Хэнтий аймгийн Хөдөлмөр, халамжийн үйлчилгээний газраас хэрэгжүүлдэг 6 хөтөлбөрийн 1 болох Залуучуудын хөдөлмөр эрхлэлт гарааны бизнесийг дэмжих хөтөлбөр нь 2016 оноос Хэнтий аймагт хэрэгжиж байгаа бөгөөд энэ хугацаанд

• 2016 онд – 18 залууд 31,5 сая төгрөг
• 2017 онд – 20 залууд 40 сая төгрөг
• 2018 онд – 18 залуучуудын багт 66 сая төгрөг
• 2019 онд – 15 залуучуудын багт 150 сая төгрөг

Өнгөрсөн хугацаанд нийт 71 залуучууд болон залуучуудын багт 287,5 сая төгрөгийн эргэн төлөгдөх санхүүгийн дэмжлэгийг Залуучуудын гарааны бизнест олгоод байна.

Энэхүү хөтөлбөрт хамрагдаад бизнес санаагаа хэрэгжүүлж олон нийтийн талархалыг хүлээж амжилттай яваа олон залуучууд байгаагаас та бүгдийн мэдэх ЛЕДО кофе шоп, Гүнтэн брэнд, Иштэй ааруул, Astro Центр, Хэнтий live гэх зэрэг залуучууд байна.

Энэ жилийн тухайд цаг үеийн нөхцөл байдал хүнд байсантай холбоотойгоор “Залуучуудын хөдөлмөр эрхлэлт, гарааны бизнесийг дэмжих хөтөлбөр” хугацаа хүлээгдсэн ч амжилттай хэрэгжүүлж орон нутагтаа өөрийн бизнес санаагаа тодорхой түвшин эхлүүлээд явж байгаа 7 залуучуудын баг шалгарч тус бүр 10 сая төгрөгийн эргэн төлөгдөх санхүүгийн дэмжлэгт хамрагдлаа.

Үүнд: 1-р баг  Б.Саранхүү фитнесийн үйл ажиллагаа, 1-р баг Э.Амгаланбаяр хэрчсэн гурилын үйлдвэрлэл, Н.Балжинням 4-р баг бие хамгаалах урлаг, Биндэр сум  Л.Дөлгөөн гоо сайхан, 3-р баг О.Батхорол Бүжгийн урлаг, 4-р баг  Н.Золбоо гоо сайхан, Б.Мөнхмандах сантехникийн үйл ажиллагаа явуулдаг.